БИШКЕК, 10-дек. — Sputnik. Бүгүн Токтогул Сатылганов атындагы улуттук филармониянын чоң залында "Эл ырчысы Эстебес" тобунун акысыз концерти өтө турганын Маданият, маалымат жана туризм министрлиги билдирди.
"Бирик кыргыз, бириккенде байрагың бийик, кыргыз!" аттуу концерт улуу жазуучу Чыңгыз Айтматовдун туулган күнүнө карата өткөрүлүүдө.
Бул программаны аталган топ үстүбүздөгү жылдын 5-декабрында эл назарына тартуулаган.
Концертке Кыргыз Эл артисти Нуржамал Табалдиева, дастанчы Өмүрзак Кайыпов, аспапчы Асылбек Насирдинов, ырчылар Гүлгаакы Сагындыкова, Талант Сыдыков, Мээрим Карыпова, Таалай Иманкулов, Турдукан Сарбанова, Өскөн Дүйшөмбиев, Элзар Сыдыкова жана айтылуу акындар Амантай Кутманалиев менен Аалы Туткучев катышат.
Бардык каалагандар үчүн эшик ачык, кирүү акысыз.
