БИШКЕК, 8-дек. — Sputnik. Франциянын Ifop компаниясы тарабынан Sputnik эл аралык маалымат агенттиги жана радиосу үчүн жүргүзүлгөн сурамжылоосу француздардын көпчүлүгү Россиянын Сириядагы аракетин колдой турганын аныктап чыкты.
Россия Сириядагы ДАИШ террористтик уюмуна өлкө башчысы Башар Асаддын суранычы менен 2015-жылдын 30-сентябрынан тарта авиасокку ура баштаган. РФнын Коргоо министрлиги жана сириялык чалгын кызматынын маалыматы боюнча россиялык соккудан террористтердин инфраструктурасы жабыркап, ДАИШтин негизги ишмердүүлүгү болгон нефть контрабандачылыгына бир топ зыян келтирилген.
"Россиянын Сириядагы аскердик аракеттери тууралуу билесизби" деген суроого француздардын 9 пайызы гана бул боюнча эч кандай кабары жок экенин айткан. Бул франция элинин Россиянын аракеттери тууралуу жакшы кабардар экенин айгинелеп турат. "Россиянын аскердик аракеттерине жеке өзүңүздүн пикириңиз кандай" деген суроого сурамжылоого катышкандардын 12 пайызы гана терс мамилесин билдирсе, 11 пайызы баары бир экенин айткан", — Sputnik агенттигинин маалымат кызматы.
Сурамжылоо Sputnik.Пикирлер долбоорунун алкагында Sputnik маалымат агенттиги үчүн Ifop компаниясы тарабынан үстүбүздөгү жылдын 1-3-декабрь күндөрү жүргүзүлгөн.
