БИШКЕК, 5-дек. — Sputnik. Өлкө аймагында сатылып жаткан товардын баасы милдеттүү түрдө сом менен көрсөтүлүшү керектигин Экономика жана өнөр жай министрлигинин маалымат кызматы билдирди.
Министрликтен билдиришкендей, "Керектөөчүлөрдүн укугун коргоо жөнүндө" КР мыйзамынын 9-беренесине толуктоо киргизилгенин эскертет.
Киргизилген өзгөртүүгө ылайык, Кыргызстандын аймагында сатылып жаткан бардык товардын баасы милдеттүү түрдө сом менен көрсөтүлүшү керек.
Буга чейин өкмөт башчы Темир Сариев кыймылсыз мүлктү жана автоунааны соодалоо бир гана сом менен жүрүшү керектигин билдирген болчу.
