БИШКЕК, 4-дек. — Sputnik. Тайбокс боюнча жети жолку дүйнө чемпиону Антонина Шевченко "Инфьюжн" реалити-шоусуна катыша турганын КРдин спорттун аталган түрү боюнча федерациясынан маалымдалды.
Реалити-шоунун уюштуруучулары алтынчы берүүсүн Таиланддагы Ко Самуи аралында тартат.
26 Баш оона 2015, 16:02
Бул жолу Европа, Азия, Түштүк Америка жана Африкадан келген төрт команда күч сынашат.
16 эркек спортчу (70 кг. салмак категориясы боюнча) төрт командага бөлүнөт. Ар бир команданы кыз-капитан машыктырат. Антонина Шевченко Түштүк Америкадан келген командалардын капитаны болот. Капитандар да өз ара күч сынашат.
Реалити-шоуну тартуу бир канча жумага созулуп, жалпысынан 16 берүү тартылат.
Антонина Шевченко Перу мамлекетиндеги клубдун атынан мушташтарга чыгып келет.
