БИШКЕК, 3-дек. — Sputnik. Кыргыз-казак чек арасынын "Чалдыбар-автодорожный" көзөмөл пунктунан мамлекеттик чекти мыйзамсыз кесип өтүүгө аракет кылган Тажикстандын жараны кармалганын Чек ара кызматы билдирди.
Маалыматка ылайык, өткөрүү пунктунан аталган жаран кыргызстандыктын атына берилген башка бирөөнүн паспортун көрсөткөн. Текшерүү учурунда ал Кыргызстандан Казакстанга багыт алган тажикстандык жаран экенин мойнуна алган.
Тийиштүү документтер толтурулгандан кийин кармалган адам УКМК кызматкерлерине өткөрүлдү.
