БИШКЕК, 1-дек. — Sputnik. Кореялык ырчы PSY жаңы клип тартып, ал Youtube каналынан 19 сааттын ичинде төрт миллиондон ашык жолу каралды.
Ырчынын расмий каналына жайгаштырылган видеоклип 4 миллион 170 миң 12 жолу каралып, саат сайын аны көргөндөрдүн саны өтө ылдамдык менен өсүүдө. Клипти 138 миң 90 киши жактырып "лайк" басса, 6 миң 374 киши жактырган эмес.
Ырчы жаңы чыгармасында атасынын жана ошол эле учурда өзүнүн ролун аткарган.
Түштүк кореялык ырчы PSY буга чейин Gangnam Style аттуу клип тартып, ал YouTube каналынын эсептегичиндеги максималдык көрсөткүчкө жеткен. Үч жыл ичинде бул клип 2 миллиарддан ашык жолу каралган.
