Нарымбаев менен Коркмазов эркинен ажыратылды

© Sputnik / Эркин АлымбековДанияр Нарымбаев жана Хаджимурат Коркмазов сотто. Архив
Данияр Нарымбаев жана Хаджимурат Коркмазов сотто. Архив - Sputnik Кыргызстан
Жазылуу
Президент администрациянын мурунку жетекчиси Данияр Нарымбаев 3 жылга эркинен ажыратылды. Эми ал күчөтүлгөн режимдеги колонияда жаза өтөйт. Ал эми экс-депутат Хаджимурат Коркмазов 1 жыл 6 айга кесилди.

БИШКЕК, 27-ноя. — Sputnik. Сот президент администрациянын мурунку жетекчиси Данияр Нарымбаевди 3 жылга, ал эми Хаджимурат Коркмазовду 1,5 жылга эркинен ажыратуу өкүмүн чыгарды. Бул тууралуу Sputnik кабарчысы сот залынан билдирди.

Кылмыш ишин Бишкектин Биринчи Май райондук сотунун судьясы Абдразак Боромбаев караган.

Нарымбаев менен Коркмазовго айыбы угузулду – сот залында тартылган кадрлар
Жума күнү Биринчи Май райондук сотунда пара талап кылуу жана кызмат абалынан кыянаттык менен пайдалануу иши боюнча Нарымбаев менен Коркмазовго карата өкүм чыгарды. Айыпталып жаткандардын аракетинен сот пара талап кылуучулукту байкабагандыктан, "талап кылуу" беренесин "алдамчылыкка" оторуп койгон.

Июль айынын ортосунда УКМКнын коррупцияга каршы күрөшүү кызматы Коркмазовдун 100 миң доллар пара алып жаткан жеринен кармаган. Ал экс-депутат Нариман Түлеевдин туугандарынан анын Жогорку сотто карала турган ишин оң жакка чечүүгө жардам берем деп алган. БАшкы прокуратура Коркмазовдун 200 миң доллар талдап кылганын маалымдаган. 

Экс-депутат акчаны президент аппаратынын жетекчиси Нарымбаевдин айтканы менен талап кылганы боюнча көрсөтмө берген. Июлдун аягында Нарымбаев да камакка алынган. Кармалгандар соттун чечими менен УКМКНын тергөө абагында болуп келишкен.

Жаңылыктар түрмөгү
0