БИШКЕК, 19-ноя. — Sputnik. Режиссер Мирлан Абдыкалыков "Сүтак" тасмасын тартуулоо үчүн Египетте өтүп жаткан Эл аралык кинофестивалга жөнөп кетти. Бул тууралуу тасма продюсерлеринин бири Алтынай Койчуманова билдирди.
19 Жетинин айы 2015, 13:30
Маалыматка ылайык, тасма фестивалдын алкагында бүгүн кечинде калыстар тобунун жана элдин сынына коюлат. "Сүтак" эл аралык фестивалдын негизги конкурстук программасына киргизилген.
Каир кинофестивалы 1976-жылдан бери өткөрүлүп, араб дүйнөсүндөгү алгачкы эл аралык деңгээлдеги сынак болуп саналат. Койчуманова фестиваль жана анын жүрүшү тууралуу кошумча маалымат берилерин белгиледи.
