БИШКЕК, 19-ноя. — Sputnik. Бириккен Улуттар уюмунун башкы катчысы Пан Ги Мун 23-ноябрда Түндүк Кореяга келип түшөт. Бул туурасында кытайлык "Синьхуа" маалымат агенттиги Кореянын башкы телеграф агенттигине таянып маалымдады.
Бул акыркы жыйырма жыл аралыгындагы дүйнөлүк уюмдун башысынын биринчи сапары болуп калмакчы. Акыркы ирет 1993-жылы расмий иш-сапар менен БУУнун алтынчы Башкы катчысы Бутрос-Гали барган. Бул аптада түштүк кореялык "Ренхап" маалымат агенттиги БУУ өкүлүнүн аталган өлкөгө барарын билдирдип, бирок, датасын так атаган эмес.
Пан Ги Мун бул ирет Түндүк жана Түштүк корея өлкөлөрүнүн ортосундагы мамилелерди жакшыртууга арачы катары чыгып, андан сырткары аталган өлкөдөгү өзөктүк куралдар маселесин жөнгө салууга аракетин кылат.
