БИШКЕК, 19-ноя. — Sputnik. Кыргызстанда жыл башынан бери экономикалык өсүү тенденциясы сакталганын Экономика жана өнөр жай министрлиги билдирди.
Улуттук статистикалык комитеттин маалыматына ылайык, январь-октябрь айларынын аралыгында экономиканын өсүүсү 10,8 пайызды түзүп, ички дүң продукция 334,1 миллиард сомдун көлөмүндө түзүлгөн. Ал эми товарлар менен кызмат көрсөтүүнүн жалпы баасын аныктоочу баа индекси болгон дефлятордун деңгээли 102,5 пайызга жеткен.
Мекеме "Кумтөр" ишканасын эсепке албаганда ИДПнын өсүүсү 104,0 пайызды түзгөнүн белгилейт. Былтыр бул көрсөткүч 104,5 пайыз ченинде болгон.
Экономиканын мындай өсүүсү айыл чарба, өнөр жай, курулуш тармактарындагы жетишкендиктер менен камсыздалган.
