БИШКЕК, 11-ноя. — Sputnik. Мамлекеттик салык кызматынын өкүлдөрү Москвада өткөн салык саясаты жана башкаруучулук боюнча консультативдик комитеттин 8-жыйынына катышканын аталган мекеме билдирди.
Маалыматка ылайык, иш-чарага Кыргызстан, Армения, Белоруссия, Казакстан, Россия салык кызматтарынын жетекчилери жана ЕЭК өкүлдөрү катышты.
Жыйында адистер кыйыр салыктын байланышкан 20 маселени карашты. Мында ЕАЭБ мамлекеттеринин ортосундагы салык алуудагы административдик тоскоолдуктар, товарларга болгон салык көзөмөл маселелери талкууланды.
Жыйын соңу менен катышуучулар салык башкаруучулугун күчөтүүгө багытталган бир катар чечимдерди кабыл алышты.
