БИШКЕК, 2-ноя. — Sputnik. Ноябрь айына карата калк үчүн бир куб метр газдын баасы 15,77 сом, ал эми өнөр жай ишканалары, коммерциялык структура жана бюджеттик уюмдар үчүн бардык салыктарды эске алуу менен 19,18 сомго бааланганын "Газпром — Кыргызстан" ишканасы билдирди.
Мыйзам боюнча "Газпром — Кыргызстан" ишканасы газдын наркын Улуттук банктын ар бир айдын башына карата бекиткен доллардын курсуна ылайык баалайт.
Өткөн айга салыштырмалуу баанын 0,17 сомго көбөйүшү доллардын өсүшүнө байланыштуу. 1-октябрда доллардын расмий курсу 68,92 сомду түзгөн.
