БИШКЕК, 14-окт. — Sputnik. Талашка түшкөн футбол аянтчасынын газону боюнча талаш оң жагына чечилгенин "Кочкор Кара-Суу жаштар уюму" коомдук бирикмесинин өкүлү Урмат Батталов Sputnik агентигине билдирди.
Батталовдун айтымында, шайлоо алдында "Бүтүн Кыргызстан Эмгек" партиясынын тең төрагасы Аскар Салымбеков футбол аянтчасын белек кыларын айткан.
"Шайлоо аяктагандан кийин анын атын сатып башка эле кишилер келип, аянтчага төшөлө турган газонду жүктөп кетебиз дешкен. Айыл жаштары каршылык көрсөткөнбүз. Салымбековдун өзүнө байланышып, окуя тууралуу айттык. Ал бул окуя боюнча маалыматы жок экенин билдирип, талаштуу маселеге өзү чекит койду", — деди ал.
Аталган партиянын тең төарагасы Адахан Мадумаров бул окуяга тиешеси бар делген киши ким болсо да, партиялык чоң жаза аларын маалымат жыйында билдирген.
