БИШКЕК, 9-окт. — Sputnik. Билим берүү жана илим министрлиги мугалимдердин айлыгынын жогорулашы тууралуу түшүндүрмө берип жатып, айлык акынын эмес, бир ставкага төлөнүүчү акча көбөйүп жатканына тактоо киргизди.
Аталган мекеменин маалыматы боюнча, 5-11-класстын мугалимдеринин акчасы 50 пайызга, ал эми башталгыч класстын окутуучулары үчүн 80 пайызга жогорулаган. Мында айлык акынын көбөйүшү пайыздык катышта экенин белгилөө зарыл.
"Мисалы, мугалим буга чейин анык бир окуткан саатынын саны үчүн 3000 сом алса, жаңы мыйзамга ылайык ал 5400 сом алат. Бул ставкалык акчанын 80 пайызын түзөт. Министрликке шек келтирген макаланын автору эсебинен жаңылган", — деп айтылат билдирүүдө.
Мугалимдердин жана бала бакча тарбиячыларынын айлыгын жогорулатуу үчүн Каржы министрлиги тарабынан бул жылдын сентябрь-декабрь айларына 2,2 миллиард, ал эми кийинки жылга 6,6 миллиард сом бөлүнгөн. Мында министрлик мугалимдердин маянасы үчүн бир катар башка чыгымдар кыскартылган.
