БИШКЕК, 8-окт. — Sputnik. Бишкекте №8 үй-бүлөлүк дарыгерлер борборунун кызматкерлери айдоочулук күбөлүк алуу үчүн даяр медициналык справкаларды саткан факты боюнча кылмыш иши козголгонун Финансы полициясы билдирди.
4 Тогуздун айы 2015, 16:37
Маалыматка ылайык, далил каттар медициналык кароонун бардык түрүнөн өткөндүгүн тастыктап, ага жарандын республикалык наркология жана психикалык ден соолук борборунда каттоодо турбаганын айгинелөөчү жасалма мөөр басылган.
Текшерүү учурунда аталган дарыгерлерден окулист, лор, хирург, терапевт, невропатолог жана эки борбордун жасалма мөөрлөрү табылган.
Бул фактылар боюнча кылмыш иши козголуп, учурда кызматкерлер Биринчи май райондук сотунун чечими менен үй камагына алынды.
Тергөө иштери улантылууда.
