Cирияда учуулар болбой турган аймакты Россиясыз аныктоо мүмкүн эмес

© Sputnik / Дмитрий Виноградов / Медиабанкка өтүүРоссия учкучтары. Архив
Россия учкучтары. Архив - Sputnik Кыргызстан
Жазылуу
АКШнын президенттигине талапкер Хиллари Клинтон учуулар болбой турчу аймак кимге каршы багытталарын тактаган эмес, себеби Сирияда террористик жана оппозициялык топтордун өз авиациясы жок.

БИШКЕК, 7-окт. — Sputnik. АКШнын президенттигине талапкер Хиллари Клинтондун учуулар болбой турган аймакты Россиясыз түзбөш керек деген сөзүн шейшембиде Рейтер агенттиги билдирген.

Мурдараак бир катар америкалык саясатчылар Сириянын "орто" оппозициячыларын аба соккуларынан коргош үчүн учуулар болбой турган аймак түзүү зарылчылыгы туурасында айтышкан. 

"Ал жакта абал өтө оор, орустардын жасагандарынан ал андан да курчуп кетти", — деп Клинтон Айова штатынын Девенпорт шаарында сөз сүйлөп жатып билдирген. 

Россиянын авиациялык техникалык персоналы Сирияда. Архив - Sputnik Кыргызстан
CNN Россия Сирияда кургактагы операцияга даярданууда деп билдирди
"Орустар учуусуз аймакка катышуусу керек, болбосо, андан эч натыйжа чыкпайт", — деп эсептейт ал.

Клинтон мындай аймак кимге каршы багытталарын тактаган эмес, себеби Сирияда террористик жана оппозициялык топтордун өз авиациясы жок. Ошондой эле ал Сирияга "кошумча" америкалык күчтөрдү жөнөтүүнү колдобой турганын билдирген.

Расмий түрдө америкалык аскерлер Сирияда жок, бирок АКШ баш болгон бир катар өлкөлөрдүн коалициясы "Ислам мамлекети" террористик тобунун турган жерлерине абадан сокку уруп келет.

Жаңылыктар түрмөгү
0