Сирия согушкерлерге аскердик аракеттер башталганга чейин багынууну сунуш кылат

Жазылуу
Сириянын Аскердик аба күчтөрү тик учактардан баракчаларды ыргытты. Анда террористтерге куралдарын таштап, ал эми аскердик аракеттер баштала турган жердеги элге конуштарын таштап кетүү сунушталган.

БИШКЕК, 4-окт. — Sputnik. Сирия аскерлеринин тик учактары согушкерлерге курал таштоону, карапайым тургундарга конуштарын таштап кетүүнү эскерткен баракчаларды таштады. Ал аймакта жакынкы күндөрү өкмөттүк күчтөр кенен аскердик операцияларды баштаганы жатат. Чакырык барактары Хама провинциясынын Растан жана Тальбиси деп аталган жерлерге жайылтылган.

Баракчалар эки түрдө болуп, биринде сириялык аскерлердин тосмолоруна жакындаганда өзүн кандай алып жүрүү жөнүндө кенен нускама, ошондой эле алдыдагы аскердик аракеттерге байланыштуу карапайым тургундарга өз үйлөрүнөн кетүү жөнүндө чакырык камтылган. 

"Бул баракчанын ээсине Сирия аскерлеринин тосмолорунан эч коопсуз өтүүгө уруксат берилет. Армия медициналык жардам көрсөтүп, тамак берет. Сириянын аскерлери менен кызматташып, өз өмүрүңүздүн коопсуздугу үчүн аскер аракеттери жүрүп жаткан жерден кетиңиз", — деп жазылган карапайым тургундар үчүн баракчада.

Экинчи баракча Сириянын аскерлери менен куралдуу күчтөрүнүн башкы башкармалыгы террористтердин тарабына өтүп кеткен жарандарды куралдарын таштап, аскер күчтөрүнө каршылык көрсөтүүдөн баш тартууга чакырат.

"Келечек силердин колуңарда жана мекениңердин кучагына кайтып келүүгө мүмкүнчүлүк бар. Кеч боло электе аны пайдаланып калгыла. Башкалардай куралыңарды таштагыла. Мамлекет силерге кам көрөт жана кайтып келишиңерди колдойт", — деп жазылган экинчи баракчада.

Ислам мамлекетинин желегин кармаган согушкерлер. Архив - Sputnik Кыргызстан
Үч миңден ашуун согушкер улуттук аскерлерден коркуп, Сириядан качты
Бейшембиде белгилүү болгондой, Сириянын күчтөрү Хама провинциясынын түштүгүндө, анын ичинде "Жебхат ан-Нусра" жана "Ислам мамлекети" террористтик топторунун беш миңден ашуун согушкерлеринин көзөмөлүндө турган Растен жана Тальбиси жергесинде террористтерге каршы кенен операция жүргүзүүгө белсенип жатат. 

Башында Сирия командалыгынын максаты өлкөнүн Хомс жана Хама аттуу ири шаарларын байланыштыруучу жолду коопсуздантуу болчу. Шаарлардын өзү өкмөттүк аскерлердин толук көзөмөлүндө. Бирок алардын ортосундагы калк отурукташкан жерлер Сириянын ушул бөлүгүндө ИМ баш болгон террористтик топтордун башкы таянычы болуп эсептелет. Трассаны карай согушкерлер минометтон үзгүлтүксүз ок атып турат. Ошондой эле снайперлер да тартылган. 

Жаңылыктар түрмөгү
0
Алгач жаңыларыАлгач эскилери
loader