БИШКЕК, 30-сен. — Sputnik. Мамлекеттик өнүктүрүү банкы ири инфраструктуралык долбоорлорду ишке ашыруу үчүн түзүлө турганын вице-премьер Валерий Диль аталган банкты түзүү боюнча мыйзам долбоорун талкуулоо учурунда билдирди.
Анын айтымында, республиканын экспорт тармагы, жалпы улуттук жана аймактык маанидеги долбоорлор дал ушул мамлекеттик өнүктүрүү банкы аркылуу каржыланат. Ал эми анын ишке кириши үчүн уставдык капиталын түзүү зарыл.
"Азыр уставдык капиталды түзүүнүн каржы булагын аныкташыбыз керек. Балким, буга эл аралык каржы институттары кызыкдар болор", — деди Диль.
Вице-премьер аталган банкты түзүү учурдун талабы экенин, жакын арада ал ишке кириши зарылдыгын белгиледи.
