Белоруссиянын ишкерлери Кыргызстандын мүмкүнчүлүктөрүнө кызыгат

© flickr.com / mikestuartwoodБеларусь мамлекетинин желеги. Архив
Беларусь мамлекетинин желеги. Архив - Sputnik Кыргызстан
Жазылуу
Ноябрь айында Бишкек шаарында кыргыз-белорусь бизнес-форуму өтүп, эки мамлекеттин соода-сатык жаатындагы мүмкүнчүлүктөрү талкууланат

БИШКЕК, 24-сен. — Sputnik. Белоруссиянын индустриаялык мүмкүнчүлүгү жогору экенин, ишкердиктин чыныгы көрсөткүчү европалык стандартка туура келерин айтканы вице-премьер-министр Валерий Диль ноярбрь айында кыргыз-белорусс бизнес-форумун өткөрүү пландалып жатканын билдирди. Бул тууралуу ал Белоруссиянын Кыргызстандагы элчиси Виктор Денисенко менен жолукканда макулдашканын өкмөттүн маалымат кызматы маалымдады.

Евразиялык экономикалык биримдиктеги мамлекеттердин соода, ишкердик жаатындагы байланыштарын эске алуу менен бирдиктүү кыргыз-белорус ишканасынын түзүү керектигин Диль баса белгиледи.

"Соода экономикалык байланыштарды кеңейтүү үчүн ушул жылдын ноябрь айында Бишкекте бизнес-форум өткөрүүнү пландап жатабыз. Бул иш-чарадан белоруссиялык ишкерлер биздин мамлекеттин мүмкүнчүлүктөрү жөнүндө кеңири маалымат алышат", — деди ал.

Өз кезегинде элчи Виктор Денисенко Белоруссия дагы соода-экономикалык жана маданий-гуманитардык байланыштардын чыңдалышына кызыктар экенин билдирди.

Жаңылыктар түрмөгү
0