Бир айдын ичинде КР менен ЕАЭБ ортосундагы товар жүгүртүүнүн көлөмү жогорулады

© Sputnik / Илья Питалев / Медиабанкка өтүүБажы көзөмөл аймагы. Архив
Бажы көзөмөл аймагы. Архив - Sputnik Кыргызстан
Жазылуу
Кыргызстан Евразиялык экономикалык биримдикке 12-августтан тарта мүчө болгон. Мындан улам кыргыз-казак чек арасындагы бардык бажы процедуралары алынып, Кыргызстандын аймагында бирдиктүү бажы тарифи жана ЕАЭБ ишмердүүлүгүнүн тышкы экономикалык бирдиктүү товар номенклатурасы киргизилген.

БИШКЕК, 22-сен. — Sputnik. Чек аралардын ачылышы менен Кыргызстан жана ЕАЭБ мамлекеттеринин ортосундагы товар жүгүртүүнүн көлөмү 30 пайызга жогорулаганын Экономика министри Олег Панкратов маалымат жыйында билдирди.

Анын айтымында, товарларды экспорттоодогу алгачкы кыйынчылыктар ишкерлер менен мамлекеттин жигердүү аракетинин негизинде акырындык менен жоюлуп бара жатат.

"Казак тарап менен көйгөйлөр бар эле, бул маселелер да дипломатиялык каналдар аркылуу чечилди", — деди Панкратов.

Астана шаары. Архив - Sputnik Кыргызстан
Кротов: Астана ЕАЭБдин финансылык борбору болот
Министр продукциянын, өзгөчө айыл чарба өндүрүмүн сертификациялоо системасы жакшырып жатканын кошумчалады.

Буга чейин Казакстандын Айыл чарба министрлиги кыргызстандык ветеринардык кызматтар азырынча тийиштүү деңгээлдеги ветеринардык коопсуздукту камсыздап берүүгө даяр эмес экендигин айтып чыгышкан.

Кыргызстан Евразиялык экономикалык биримдикке 12-августтан тарта мүчө болгон. Мындан улам кыргыз-казак чек арасындагы бардык бажы процедуралары алынып, Кыргызстандын аймагында бирдиктүү бажы тарифи жана ЕАЭБ ишмердүүлүгүнүн тышкы экономикалык бирдиктүү товар номенклатурасы киргизилген.

Жаңылыктар түрмөгү
0