БИШКЕК, 21-сен. — Sputnik. Мамлекеттик башкаруу академиясында кыргыз-россиялык "Евразиялык интеграциянын алкагындагы жаштардын ролу" деп аталган эл аралык форум өтөт. Аны "Евразиялыктар — жаңы толкун" фонду жана аталган академия уюштурууда.
Иш-чара бүгүн өтүп жаткан Кыргыз-Россиялык IV аймактар аралык "Евразиялык экономикалык биримдик. Аймактар аралык кызматташуунун келечеги" деп аталган ири иш-чаранын алкагында өтүүдө. Ага тармактык министрликтердин, ведомстволордун башчылары жана эксперттер менен ишкерлер катышууда.
Форумга кыргыз жана россиялык мамлекеттик кызматкерлердин катышуусу күтүлүүдө.
Форумда РФтин Федералдык жыйынын Мамлекеттик Думасынын төрагасынын кеңешчиси Михаил Кротов, КРдин Эмгек, миграция жана жаштар министринин орун басары Алмаз Асанбаев, РФтин Билим берүү жана илим министрлигинин Эл аралык департаментинин директору Николай Тайвонен спикерлик кылат.
