БИШКЕК, 19-сен. – Sputnik. Өзгөчө кырдаалдар министрлиги Гидрометеорология боюнча агенттигинин ишинде мамлекеттик тилдин колдонулушу жана аны андан ары өркүндөтүү боюнча талкуу өткөрүп, бул жааттагы адистерди чакырды.
"Кыргызгидрометте мамлекеттик тилдин алган орду жана аны өнүктүрүү" деп аталган тегерек столдо министрликте, дегеле республикада мамлекеттик тилдин алган орду, анын маанилүүлүгү, өнүктүрүүнүн майнаптуу жолдорун талкуулашты.
"Аны менен катар менен катар, канткенде иш кагаздарын нукура кыргыз тилинде жүргүзүүгө жетишүүгө болоору тууралуу азыноолак сөз кылынды", — деп билдирди ӨКМдин маалымат кызматынан.
Өзгөчө кырдаалдар министрлигинин маалыматы кызматы — Кыргызстандагы министрлик менен ведомстволордун арасынан маалыматты мамлекеттик тилде ыкчам берген кызматтардын бири.
