БИШКЕК, 17-сен. — Sputnik. Тажикстандын Башкы прокуратурасы Ислам кайра жаралуу партиясынын 13 мүчөсү кармалганын арстаган. Билдирүүдө кармалгандардын арасындагы уюмдун лидерлери Абдухалим Назарзода менен кылмыштуу байланышы бар шектелүүдө.
"Бул адамдар өлкөнүн жарандарын экстремисттик иш-аракеттерге жана өлкөдөгү абалды солгундатууга чакырышкан",- деп айтылат мекеменин бейшемби күнү тараткан билдирүүсүндө.
Башкы прокуратура Таджикстандын Ислам кайра жаралуу партиясынын тапшырмасы менен жана анын башында турган Мухиддин Кабиринин түздөн-түз жетекчилиги астында Назарзода 20 чакан топ түзүп, куралдандырган деп билдирет. Мекеменин маалыматына ылайык, ал топтордун жардамы менен уюштуруучулар Таджикстанда абалды солгундатууну пландашкан.
Таджикстандын Ислам кайра жаралуу партиясы — мурдагы СССРдин мейкиндигинде расмий иш-аракетин жүргүзүүчү ислам багытындагы жалгыз саясий партия. Анын катарында, жетекчилигинин билдирүүсү боюнча, 40 миңден ашык мүчө бар. 28-августта Тажикстандын Укук министрлиги партиянын жетекчилигинен өз ишин токтотууну талап кылган, себеби партиянын республиканын аймактарындагы бөлүктөрү ишин токтоткон. Партиянын төрагасы Мухиддин Кабири март айындагы парламенттик шайлоодон кийин Тажикстандан чыгып кеткен.
