БИШКЕК, 11-сен. — Sputnik. Премьер-министр Темир Сариев Бизнести жана инвестицияны өнүктүрүү боюнча кеңештин жыйынында текшерүүлөрдү азайтуу жана коррупцияга каршы күрөштү күчөтүү максатында ИИМ менен УКМКнын бизнести текшерүүсүнө тыюу салынганын айтты.
"Учурда бул жаатта текшерүүлөрдү Экономикалык кылмыштарга каршы күрөшүү кызматы гана жүргүзөт. Башка органдардын текшерген фактылары болсо аны Өкмөттүн антикоррупциялык саясат бөлүмүнө кайрылуусу керек. Ал эми буга чейин козголгон кылмыш иштери ИИМ жана УКМКдан аталган кызматка өткөрүп берилди", — деди өкмөт башчысы Сариев.
Премьер ошол эле учурда ишкерлер салык төлөөдөн качпашын, бизнес өзүнүн социалдык жоопкерчилигин сезиши керектигин кошумчалады.
