БИШКЕК, 10-сен. — Sputnik. Өзгөн районунун салык инспектору 14 миң сом пара алып жаткан жеринен кармалганын ИИМ билдирет.
Маалыматка ылайык, Ош ОИИБ бизнести сатууга байланышкан маселелерди оң жагына чечип берүү үчүн пара талап кылып жаткан салык кызматкерине карата чара көрүү өтүнүчү менен шаар тургуну кайрылган.
Аталган факт каттоого алынып, Ош шаардык жана облустук прокуратура тарабынан кылмыш иши козголгон.
Үстүбүздөгү жылдын 9-сентябрында ИИМ 5-башкы башкармалыгы тарабынан өз кабинетинде райондук салык бөлүмүнүн ага инспектору 14 миң сом өлчөмүндө пара алып жаткан жеринен кармалды.
Учурда тергөө иштери жүрүп жатат.
