БИШКЕК, 8-сен. — Sputnik. Америка валютасы шейшемби күнү 67,4 сомго жетип, рекорддук бааны көрсөттү.
Жума күнү Кыргызстандын акча алмаштыруу жайлары долларды 66 сомдон сатса, дүйшөмбү күнү 67 сомго баалашкан. Шейшемби күнү доллардын баасы 67,4 сомго жетти.
Ал эми Улуттук банк тарабынан белгиленген 66,15 сом рекорддук көрсөткүч болуп саналат. Мекеменин маалыматы боюнча туура бир жыл мурун бир доллар 53,5 сомго бааланса, мурдагы жылы 48 сомдон сатылган.
