БИШКЕК, 26-авг. — Sputnik. Аламүдүн районунун прокурору, орун басары жана жардамчысы эки миң доллар пара алып жаткан жеринен кармалышканын УКМК Коррупцяга каршы кызматы билдирет.
Буга чейин прокурор Кубанычбек Мамакеевдин кармалганы тууралуу айтылган.
Талап кылынган акчанын алты миң доллары буга чейин прокурордун жардамчысы аркылуу алынганын иликтөө иштери аныктады.
Үстүбүздөгү жылдын 25-августунда Аламүдүн районунун прокурору, орун басары жана жардамчысы эки миң доллар пара алып жатканда колго түшүрүлгөн.
Аталган факт боюнча Кылмыш жаза кодексинин 304-беренесинин (Кызматтык абалынан кыянаттык менен пайдалануу) жана 313-беренесинин (Пара талап кылуу) негизинде кылмыш иши козголду.
Учурда кармалгандар убактылуу кармоочу жайга киргизилип, тергөө иштери улантылып жатат.
