БИШКЕК, 26-авг. – Sputnik. Бүгүн саат алтыга чейин катталган партиялар шайлоого катыша турганын БШКнын жетекчиси Туйгуналы Абдраимов маалымат жыйында билдирди.
Анын айтымында, Жогорку Кеңешке шайлоого 14 партия катыша турган болду.
Борбордук шайлоо комиссиясы 25-августтан 4-сентябрга чейин арыздардын туура толтурулушун жана тизмелерди текшерет.
"Шайлоого катышуу үчүн арыз берген 34 партиянын жыйырмасы шайлоого катышуудан баш тартты", — деп билдирет БШК.
Каттоого алынган партиялар:
- "Ата Мекен"
- "Ар-Намыс"
- "Азаттык" Демократиялык партиясы
- "Бүтүн Кыргызстан – Эмгек"
- "Кыргызстан"
- "Бир Бол"
- КСДП
- "Өнүгүү-Прогресс"
- "Замандаш"
- "Мекен Ынтымагы"
- "Республика Ата Журт"
- "Улуу Кыргызстан"
- "Аалам – партиясыздардын партиясы"
- "Кыргызстан элдеринин конгресси"
Жогорку Кеңешке шайлоо 2015-жылдын 4-октябрында өтөт. Кыргызстанда парламенттик шайлоо ушуну менен экинчи жолу өтүп жатат. 2010-жылы Кыргызстан парламенттик системаны тандап алып, биринчи жолу шайлоо өткөн.
