Кыргызстандын партиялары: "Мекен Ынтымагы"

© Sputnik / Табылды КадырбековЖогорку Кеңештин имараты. Архив
Жогорку Кеңештин имараты. Архив - Sputnik Кыргызстан
Жазылуу
"Мекен Ынтымагы"консервативдик-демократиялык партиясы КРдин Адилет министрлигинде 2010-жылы 23-июнда катталган.

Партиянын төрагасы — Темирбек Асанбеков, —"Кыргызстандыктарды коргоого жана колдоого көмөк көрсөтүү" борборунун (Москва, Россия) жетекчиси, Россиянын эл аралык чыгармачылык академиясынын академиги, искусство бөлүмүнүн жетекчиси.

Сандык курамы: "Мекен Ынтымагы"партиясына КРдин 20 миңден ашык жараны мүчө (2015-жылдын 1-августуна карата маалымат).

Сапаттык курамы: "Мекен Ынтымагы"партиясына интеллигенция өкүлдөрү (мугалимдер, дарыгерлер, окумуштуулар ж.б.), ардагерлер, отставкадагы аскер жана укук короо органдарынын кызматкерлери, студенттер жана пенсионерлер мүчө.

2010-жылдагы шайлоодо партия 50 миңге жакын добуш менен 29 партиянын ичинен 9-орунга чыккан. Кыргызстандын президентин шайлоодо партиянын лидери Темирбек Асанбеков 16 талапкердин ичинен төртүнчү орунду ээлеген.

2015-жылы 14-июнда өткөн кезектеги VII съездинде, "Мекен Ынтымагынын" курамына Кыргызстандын "Честь имею" жалпы улуттук аскерлер биримдиги жана "Люстрация" коомдук бирикмеси кирген.

Саясий партиянын көз карашы — конструктивдүү-оппозициялык.

Өзүнүн башкы милдети катары партия укуктук мамлекет курууну, ар бир адамдын жарандык, саясий, социалдык, экономикалык укуктарын жана эркиндиктерин камсыз кылууну эсептейт.

Өз программасында партия коомдук, мамлекеттик жана саясий мамилелерде ак ниеттүүлүктү, тарбиялуулукту жана руханий кайра жаратууну, ошондой эле жарандар менен мамлекеттин биримдигин, Кыргызстан элинин ынтымагын ар тараптуу бекемдөөнү көздөй турганын билдирет.

Жаңылыктар түрмөгү
0