"Бир Болдун" биринчи ондугуна тележурналист жана мурдагы башкы прокурор кирди

© Sputnik / Табылды КадырбековКомпьютер жана микрофон менен жайгашкан жумуш ооруну. Архив
Компьютер жана микрофон менен жайгашкан жумуш ооруну. Архив - Sputnik Кыргызстан
Жазылуу
Теле алып баруучу Лунара Мамытовадан башка, ондуктагылардын бардыгы алды-кийин саясатка аралашып жүргөн, мамлекеттик жогорку кызматтарда иштегендер.

БИШКЕК, 17-авг — Sputnik. Жекшемби күнү "Бир Бол" партиясынын съездинде Жогорку Кеңештин депутаттыгына талапкерлердин тизмеси бекитилди. Тизменин башында мурдагы "Ата-Журтчу" Мыктыбек Абылдаев туруп, тизмени Алтынбек Сулайманов, Игорь Чудинов, Чолпон Жакупова, Акылбек Жапаров, Аскарбек Шадиев, Жаныбек Бакчиев, Лунара Мамытова, Исхак Пирматов жана Кубанычбек Жумалиевдер улантты. 

Шайлоо участкасы. Архив - Sputnik Кыргызстан
"Бир Бол" жана "Кут" партиялары шайлоого бирге барууну чечти
Тизменин башында ЖКнын учурдагы депутаттары, экс-прокурор, укук коргоочу, теле алып баруучулар турат. 

Журналист Лунара Мамытовадан башка, ондуктагылардын бардыгы алды-кийин саясатка аралашып жүргөн, мамлекеттик жогорку кызматтарда иштегендер.

Алардын ичинен Мыктыбек Абылдаев — экс-башкы прокурор, депутат, Сулайманов менен Пирматов ЖКнын учурдагы эл өкүлдөрү. Жумалиев менен Чудинов премьер-министр болуп иштеген. Жапаров, Шадиев министрлик кызматтарды ээлеген жана бир ЖКнын бир нече чакырылышында депутат болгон. 

Ал эми ондуктан ылдыйы тизмени карай келгенде бир топ жыл мамлекеттик кызматта иштеген, мурдагы президенттик аппараттын жетекчисинин орун басары, мурдагы президенттин ЖКдагы өкүлү, тажрыбалуу медиа-менеджер катары каралып келген Досалы Эсеналиев 61-сапта көзгө урунат. Учурда Эсеналиев партиянын саясий комитетин жетектейт. Бул адам өткөн парламенттик шайлоодо, 2010-жылдагы шайлоодо "Республика" партиясынын медиа өнөктүгүн жетектеген. 

ЖКнын бир нече чакырылышынын депутаты Марат Султанов, Нурбек Мурашев, Абдыжапар Бегматов, ЖКнын IV чакырылышынын депутаты Улугбек Ормонов, бир нече жыл Мамлекеттик мүлк фондун башкарып келген Суеркул Бакировду кезиктирүүгө болот. Бишкектин мэринин мурдагы орун басары Марс Саккараев тизмеде 57-орунда. 

БШК: партиялар шайлоо фондундагы каражатына съезддерин өткөрүшү керек
Талапкерлердин тизмесинде тарыхчы жана журналист Кыяз Молдокасымов 51-сапта турат. 

"Бир бол" партиясы жакында Борбордук шайлоо комиссиясына беш миллион сомдук күрөөсүн төлөп, шайлоого даярданган партиялардын бири.

Парламенттик шайлоо 4-октябрга белгиленип, Борбордук шайлоо комиссиясы шайлоого катышам деген партиялардан 2-августка чейин арыз кабыл алды. Бардыгы болуп 30 партия шайлоого катыша турганын билдирди.

Жаңылыктар түрмөгү
0