БИШКЕК, 25-авг. — Sputnik. "Sputnik.Пикирлер" алкагында АКШда жана Европа өлкөлөрүндө британиялык ICM Research агентиги тарабынан Sputnik эл аралык жаңылыктар агенттиги жана радиосу үчүн жүргүзүлгөн жаңы сурамжылоонун натыйжаларына ылайык, иликтөөгө катышкандардын басымдуу бөлүгү (56%) өз өлкөлөрүндөгү ЖМКлар саясатчылар менен ири бизнестен көз каранды жана бул маалыматтын объективдүү берилишине таасирин тийгизет деген ишеничте.
"Сиздин көз карашыңызда, өлкөңүздө белгилүү ЖМКлар эл аралык жана ички маалыматтарды объективдүү чагылдырабы же ЖМКлар саясатчылар менен ири бизнестин таасири астында турабы?" деген суроого италиялыктардын (69%) жана француздардын (60%) басымдуу бөлүгү өз өлкөлөрүндөгү белгилүү ЖМКлардын объективдүүлүгүнөн шек санай турганын билдирген.
Сурамжылоо Sputnik.Пикир (Sputnik.Polls) долбоорунун алкагында ICM Research компаниясы тарабынан Sputnik агенттиги үчүн 2015-жылдын 1-4-майында жүргүзүлгөн. Изилдөөгө 8243 адам (Улуу Британияда 2005, Францияда 1041, Германияда 1050, Испанияда 1051, Италияда 1049, АКШда 2047) катышкан.
Сурамжылоого тандалып алынгандар жынысы, жаш-курагы жана географиялык өзгөчөлүгү боюнча ар түрдүү топторго кирет.
Ишенимдүүлүктүн 95% мүмкүндүгүн эсепке алганда ар бир өлкө боюнча маалыматка болгон ишеним +/- 3,1%ды түзөт.
"Sputnik.Пикирлер" долбоору тууралуу
Коомдук пикирди изилдөө боюнча эл аралык долбоор 2015-жылдын январында башталган. Долбоордун өнөктөшү — Британиянын белгилүү ICM Research изилдөө компаниясы. "Sputnik.Пикирлер" долбоорунун алкагында Европа жана АКШ өлкөлөрүндө маанилүү социалдык жана саясий маселелер боюнча үзгүлтүксүз сурамжылоолор жүргүзүлүп турат.
Sputnik (sputniknews.com) — ондогон өлкөлөрдө мультимедиялык маалыматтык хабдарга ээ маалымат агенттиги болуп саналат. Sputnik өзүнө сайттарды, аналогдук жана санарип радиоберүүнү, социалдык тармактарда баракчаларды камтыйт.
