"Ислам мамлекети " Сириянын Мари шаарына кол салууда химиялык курал колдонду

© AFP / AHMAD AL-RUBAYE"Ислам мамлекети" экстремисттик уюмдун согушчаны. Архив
Ислам мамлекети экстремисттик уюмдун согушчаны. Архив - Sputnik Кыргызстан
Жазылуу
Сириялык ЖМКлардын маалымдоосуна караганда, согушкерлер аткылагандан кийин жергиликтүү эл уулуу заттардын таасирин сезип, муунуп, аба жетпей, дем кыстыккан абалга туш болгон.

БИШКЕК, 23-авг. — Sputnik. Радикалдык “Ислам мамлекети” уюмунун согушкерлери Сириянын Мари шаарына ишемби күнкү кол салууда химиялык заттар кошулган снаряддарды колдонду. Бул туурасында SANA агенттиги жергиликтүү элге шилтеме кылып маалымат таратты. 

"Ислам мамлекетинин " согушкерлери аткылганда улуу заттардын белгиси байкалгандыгын жана андан жергиликтүү эл жапа чеккендигин Мари шаарынын бир нече активисттери социалдык тармактарга жазды ", — деп айтылат агенттик тараткан маалыматта.

Ислам мамлекетинин желеги. Архив - Sputnik Кыргызстан
"Ислам мамлекетинин" согушкерлеринин арасында ВИЧти жуктургандар көбөйдү
Анын алдында америкалык генерал, аталган уюм менен күрөшүү боюнча штабдын жетекчиси Кевин Киллеа, АКШ алардын химияык курал колдоно тургандыгы туурасында маалыматтарды алгандыгын кабарлаган эле. 

"Ислам мамлекети" террористтик тобу бүгүнкү күндө дүйнөгө коркунуч жараткан негизги күчтөрдүн бири. Үч жыл ичинде террорчулар Ирак менен Сириянын көпчүлүк жерлерин басып алган. Андан тышкары, алар Түндүк Африка өлкөлөрүнө, тагыраак айтканда, Ливияга өз таасирин жайылтуу аракетин көрүп жатат. Ар кандай баалоолорго ылайык жалпы көлөмү 90 миң чарчы чакырымга жеткен өз көзөмөлүндөгү жерлерде ИМ халифат жарыялап, өз мыйзамдарын жана бийлик органдарын орноткон.

Жаңылыктар түрмөгү
0