БИШКЕК, 15-авг — Sputnik. Ош шаарынын мэри Айтмамат Кадырбаевдин айтымында, калаада көп жылдардан бери жашап, иштеп, бирок каттоодо турбаган жарандар үчүн атайын жети шайлоо участогу ачылат.
"Ал жерге жакын жашаган тургундар шайлоого 15 күн калганга чейин добуш берүү үчүн арыз жазып калтыруусу абзел", — деди Кадырбаев.
Арыздын негизинде, мамлекеттик каттоо кызматы шайлоочунун биометрикалык маалыматын шаарга которот.
14 Баш оона 2015, 15:16
Буга чейин Кадырбаев шайлоону үзгүлтүккө учуратпоо үчүн шаардагы бардык жарандардын биометрикалык маалыматтарын каттоого алуу зарылдыгын айткан.
Ош шаарынан 155 миң жаран биометрикалык маалыматтарын тапшырса, анын 125 миңи шаардын каттоосунда тургандар. Шаардыктардын жалпы 92 пайызы биометрикалык маалыматтарын тапшырган.
Бүгүнкү күндө шаарда биометрикалык маалыматтарды чогултуу иштери улантылууда.
