Кикбоксер: кыргыз спортчулары Индиядан бир топ шыктанып кайттык

© фото предоставлено Аскатом Акмырзаевым23 жаштагы кикбоксер Аскат Акмырзаев. Архив
23 жаштагы кикбоксер Аскат Акмырзаев. Архив - Sputnik Кыргызстан
Жазылуу
23 жаштагы кикбоксер Аскат Акмырзаев Индиядагы чемпионатка ар бир спортчу өз чыгымын өзү төлөп барып келгенин айтты.

БИШКЕК, 14-авг. — Sputnik. Индиянын Пуна шаарында 4-8-августта өткөн Азиянын WAKO кикбоксинг версиясы боюнча чемпионаттан кыргызстандык спортчулар 11 алтын медаль менен кайтышты. Бул туурасында чемпионатка катышып келген Аскат Акмырзаев билдирди. 

Кыргызстандык мушкерлер Азия чемпионатына даярданууда
Республика ичиндеги ар кыл клубдардан чогулуп барган кыргызстандын спортчулары Алексей Федосеев, Кумар Жалиев, Асхат Акмырзаев, Рустам Ибрагимов, Икбол Фозилжон уулу, Гайбулло Мамадалиев, Чынгыз Бегматов, Таласбек Нуралиев, Абдисаламова Бактыгүл, Уланбек Касымбеков жана Адилет Бекжан уулу Азия чемпиону наамына  ээ болуп кайтты.

Аскат Акмырзаев Кыргызстанга 75 килограммдык категорияда алтын алып келген спортчулардын бири. 

"Кыргыз кикбоксчулары Индиядан бир топ шыктанып кайттык. 22 спортчунун 11и алтын тагынып, чемпиондук наамга ээ болдук. Менин атаандаштарым иорданиялык жана финалда индиялык кикбоксерлор болду", — деди Аскат Акмырзаев.

23 жаштагы кикбоксер Аскат Акмырзаев спортчу чемпионатка өз каражатына барганын айтты.

"Менин Индияга барганымды каржылап берген Кербен айылдык өкмөтүнө жана жеке ишкер Эмил Акмырзаевге ыраазычылык билдирем, менин жеңишим кайсы бир деңгээлде алардын да жеңиши", — деди Мырзаев.

Мындан сырткары, кыргыз спортчулару 11 күмүш, 3 коло алып келишти.

Жаңылыктар түрмөгү
0
Алгач жаңыларыАлгач эскилери
loader