БИШКЕК, 8-авг. — Sputnik. Кыргызстандын Евразиялык экономикалык биримдик менен болгон чек арасы 12-августта Кыргызстан менен Казакстандын президенттери жана премьер-министрлеринин катышуусунда расмий ачыла турганын Sputnik агенттигин өкмөттөгү ишенимдүү булак билдирди.
Биримдикке кирген бардык мамлекеттер Кыргызстандын ЕАЭБге кирүүсү боюнча документти ратификациялады. Акыркылардын болуп Казакстан ратификациялаган. Евразиялык экономикалык комитеттен билдиришкендей, ратификация боюнча Казакстандан нота бир жуманын ичинде келип түшөт. Ошондо гана чек аралар расмий ачылды деп эсептесе болот.
Премьер-министрлер Темир Сариев менен Карим Масимов "Ак-Жол" жана "Кордай" чек ара өткөрүү пунктарын салтанаттуу түрдө ачат.
ЕАЭБ — 2015-жылдын 1-январынан тарта евразиялык интеграциянын алкагындагы Россия, Казакстан жана Белоруссия кирген Бажы Биримдигинин негизинде түзүлгөн экономикалык биримдик. Армения жыл башында ЕАЭБге кошулган.
