Ишкер: ЕАЭБ бажы чек араларынын ачылышы менен заводду ишке киргизем

© Sputnik / Александр Кондратюк / Медиабанкка өтүүМакарон чыгаруу заводу. Архив
Макарон чыгаруу заводу. Архив - Sputnik Кыргызстан
Жазылуу
Өндүрүмдүн өз баасы төмөндөйт, бажы тосмолорунун ачылышы ири рынокко карай жол ачат дейт Рустам Маткадыров.

БИШКЕК, 5-авг. — Sputnik. ЕАЭБ мүчө мамлекеттер ортосунда чек ара тосмолорунун ачылышы менен өндүрүшүн ишке киргизе турганын курулуш фирмасынын жетекчиси Рустам Маткадыров билдирди.

Казахстандын президенти Нурсултан Назарбаев. Архив - Sputnik Кыргызстан
Казакстан Кыргызстандын ЕАЭБге кошулуусу тууралуу келишимди ратификациялады
Шейшембиде Казакстандын президенти Нурсултан Назарбаев акыркы болуп Кыргызстандын Евразиялык экономикалык биримдикке кошулуусу тууралуу келишимди ратификациялады. Жакынкы күндөрү Кыргызстан менен Казакстандын ортосундагы бажы тосмолору алынары күтүлүп жатат.

Ишкердин айтуусунда, ал эки жылдан бери макарон азыктарын чыгаруучу мини-заводун ишке киргизе албай келет.

"Иштөө үчүн баары даяр турат – имарат бар, жабдуу жетиштүү, бардык документтер даярдалган. Бирок ундун баасынын кымбаттыгынан завод өзүн өзү акташы күмөн", — дейт Маткадыров.

Макарон чыгаруу Кыргызстанда жок сырьедон өндүрүлөт. Ишкердин айтымында, жергиликтүү ун буга жарабагандыктан, аны Казакстандан сатып алууга туура келет. Чек ара тосмосунун ачылышы менен сырьену төмөн баада сатып алууга жана өндүрүмдү арзан сатууга мүмкүнчүлүк болот.

"Өндүрүмдүн өз баасы төмөндөйт, бажы тосмолорунун ачылышы ири рынокко карай жол ачат", — дейт ишкер.

ЕАЭБге толук кандуу мүчө болушу менен Кыргызстанда соода жүгүртүү, миграция жаатында  жана башка бир катар жылыштар болорун Евразиялык экономикалык комиссия белгилейт.

Жаңылыктар түрмөгү
0