Салыкчылар кармаган контрафактык спирт ичимдиктери уурдалды

© Sputnik / Максим Богодвид / Медиабанкка өтүүАрак чыгаруучу завод. Архив
Арак чыгаруучу завод. Архив - Sputnik Кыргызстан
Жазылуу
Кампа мөөрлөп жабылганына карабай мөөрү жулунуп, андан 13 миң 458 бөтөлкө арак продукциясы уурдалган.

БИШКЕК, 6-авг. — Sputnik. Мамлекеттик салык кызматынын кызматкерлери Чүй районундагы кампадан контрафактык арак продукциясын кармап, кампаны мөөрлөп жабышкан. Бирок бир күндөн кийин контрафактык спирт ичимдиктер уурдалып кеткен. Бул тууралуу мамлекеттик салык кызматынын маалымат кызматы билдирди.

Маалыматка ылайык, уурдалган товарлар төрт күн өткөн соң Токмок шаарынын аймагынан кайра табылган.

Нарында контрафактылык 10 миңден ашуун бөтөлкө ичимдик табылды
Рейд учурунда жалпы суммасы 1 миллион 295 миң 948 сом болгон 18 миң 864 бөтөлкө алкоголь продукциясы күмөндүү акциз маркалары чапталгандыктан тартылып алынган.

Спирт ичимдиктери жеке ишкерге таандык кампадан табылган, уруксат берүүчү документтери жок сакталып турган.

Кампа мөөрлөп жабылганына карабай мөөрү жулунуп, андан 13 миң 458 бөтөлкө арак продукциясы уурдалган.

Салыкчылар уурдоо фактысы менен Чүй РИИБдин кызматкерлери арыз менен кайрылып, төрт күндөн кийин жоголгон 12 миң 894 бөтөлкөнү табышкан. Азыркы учурда жетишпеген 564 бөтөлкөнү издөө иш-чаралары жүрүп жатат.

Контрафактык ичимдиктеринин ээсине карата кылмыш иши козголду.

Жаңылыктар түрмөгү
0