БИШКЕК, 9-июль — Sputnik. Нарын облусунун салыкчылары котрафактылык 10 миң 635 бөтөлкө ичимдикти аныкташканын Салык инспекциясынын маалымат кызматы билдирет.
Эки ишканадан өндүрүм салыкчылардын текшерүүсү учурунда алынган.
Салык инспекциясынын маалыматы боюнча жалпы суммасы 786 миң сомдук спирт ичимдигинин тийиштүү документтери жок болуп чыккан. Акциздик маркалары да шектенүүнү туудурган бөтөлкөлөр складдан орун алган.
Кармоо материалдары жана алынган алкоголдук продукция Финансы полициясынын Нарын облусу боюнча бөлүмүнө жөнөтүлдү.
