БИШКЕК, 4-авг. — Sputnik. Президент Алмазбек Атамбаев Кытайдын төрагасы Си Цзиньпинди Пекин шаары 2022-жылдагы Кышкы Олимпиада оюндарынын борбору болуп тандалышы менен куттуктаганын өлкө башчысынын маалымат кызматы билдирет.
Эл аралык олимпиада комитети кышкы Олимпиадалык оюндар Пекин шаарында өтө турганын Куала-Лумпурда аяктаган 128-сессиясында бекитти.
"Сиздин мамлекет дүйнөлүк масштабда талашсыз кадыр-баркка ээ, ал эми Кытайдын учурдагы жетишкендиктери сиздин да жеке ийгилигиңиз деп бекем ишенем", — деп белгиленет куттуктоодо.
Президент 2008-жылы жайкы Олимпиаданын жогорку деңгээлде уюштурулганын белгилеп, 2022-жылдагы Олимпиада да кышкы оюндардын тарыхында татыктуу жана ажайып кооз окуя болуп каларына ишеним артты.
