БИШКЕК, 30-июль — Sputnik. Бир сутка ичинде "112" номерине 2 894 чалуу болуп, анын 782си максатсыз кайрылуу болгонун Өзгөчө кырдаалдар министрлиги билдирди.
Маалыматка ылайык, Бишкек шаары боюнча 1 519 чалуу болсо, анын ичинен 536сы максатсыз жасалган. Ош шаары боюнча 1375 чалуунун 246сы жалган болуп чыккан.
ӨКМдин Кризистик кырдаалда башкаруу борборунун кызматкерлеринин айтуусунда, максатсыз кайрылуулардын көп болушуна сенсордук телефондордун кокустан басылып кетиши жана жаш балдардын ойноп чалуулары себеп болот.
Бирдиктүү "112" номери тынымсыз иштейт.
