Түндө Аламүдүн жана Ала-Арча дарыяларынын суусу көтөрүлүп, кооптуулук жаратты

© Фото / пресс-служба МЧС КРАламүдүн районунда Ала-Арча дарыясынын деңгээли көтөрүлүүдө
Аламүдүн районунда Ала-Арча дарыясынын деңгээли көтөрүлүүдө - Sputnik Кыргызстан
Жазылуу
Байтик айылынан аймагына жакын суу каптаган көпүрөгө Чүй облустук башкармалыгынан түзүлгөн ыкчам топ барды.

БИШКЕК, 24-июль — Sputnik. Аламүдүн районунда түндө Ала-Арча суусу көтөрүлүп, Байтик айылынан "Строитель" дача тилкесине өтүүчү көпүрөнү алып кете жаздады. Бул туурасында ӨКМдин маалымат кызматы билдирди.

Көпүрөдөн ашып агып жаткан суунун нугун буруп, агымын азайтуу үчүн ал жерге ӨКМдин жоон топ жетекчилери барды.

"ӨКМдин Чүй облустук башкармалыгынан түзүлгөн ыкчам топ жеринде иликтөө иштерин жүргүздү. Лебединовка айыл аймагы тарабынан эки даана "Хова", ЖЭМ-25 ишканасынан грейдер тартылып, дарыянын жээгине таштар төгүлүп, грейдер жолдун жээгине ыңгайлаштырып таштарды түздөө иштерин жүргүзүүдө",— деп билдиришти маалымат кызматынан.

Дарыя. Архив - Sputnik Кыргызстан
Аламүдүн, Ала-Арча, Ысык-Ата, Нооруз сууларынын деңгээли көтөрүлүүдө
Андан сырткары, Арашан айыл аймагындагы "Электрик" деп аталган дачалар аймагында кечки саат жетиге чукул Аламүдүн жана Ала-Арча дарыялардын деңгээли көтөрүлүп, ички чарбалык жолдорду суу каптады. Андан сырткары, алты дача үйү суу каптоо коркунучуна кабылды. 

ӨКМдин маалыматында, Ала-Арча дарыясында суунун ченеми 33,7м3/с түздү (максималдуу коркунучтуу деңгээл 35,0 м3/с түзөт). Аламүдүн дарыясында суунун деңгээли көтөрүлүп, азыркы учурда 31,2 м3/с түздү. (Максималдуу коркунучтуу деңгээли 45,0 м3/с түзөт).

Жаңылыктар түрмөгү
0