БИШКЕК, 21-июль — Sputnik. Адаттагыдан катуу ысыктан улам Чүй облусундагы Аламүдүн, Ала-Арча, Ысык-Ата, Нооруз сууларынын деңгээли көтөрүлүп жатканын ӨКМ билдирет.
Маалыматка ылайык, мындан суу каптоо коркунучу жаралууда.
Буга чейин Ала-Арча улуттук паркынын, "Энергия" бакча ишканасынын, "Ысык-Ата" курортунун аймагынан өткөн дарыялардын суулары жээкке чыккан учурлар катталган. Суу деңгээли мындан да жогорулап кетсе, маданий-тиричилик имараттарын, жайкы коттедждерди, жолдорду, көпүрөлөрдү каптап кетүү коркунучу бар.
Коопсуздукту сактоо максатында ӨКМ эс алууда жүргөн жарандарге, чет элдик туристтерге, сууга жакын жайгашууга тыюу салып, этият болууну эскертет.
