БИШКЕК, 13-июль — Sputnik. Чүй облусунун райондорунда 2,5 гектар куураган чөп жана Volkswagen Passat автоунаасы күйүп кеткенин Өзгөчө кырдаалдар министрлигинин маалымат кызматы билдирди.
Маалыматка ылайык, Аламүдүн районунда бир гектар куураган чөп күйүп кетсе, Сокулук районунда жеке үйдүн огороддорунда 1,5 гектар куураган чөп өрттөнгөн.
Ошондой эле, Ысык-Ата районундагы Ивановка станциясынын жанында Volkswagen Passat автомашинасы электр жабдууларын куроодо эреженин бузулушунан улам толугу менен өрттөнүп кеткен.
Ал эми Нарын облусунун Жумгал районунда балдар от менен ойноп атып, короодо жыйылып турган 3 тонна чөптү өрттөп жиберишкен.
Өзгөчө кырдаалдар министрлигинин маалыматына ылайык, бир суткада өлкө аймагында 20 өрт кырсыгы катталган.
