БИШКЕК, 20-июнь — Sputnik. Кыргызстанда качкындардын саны 2015-жылдын 1-июнуна карата 175 адам. Бул туурасында Эмгек, миграция жана жаштар министрлигинин маалымат кызматы билдирди.
"175 адамдын ичинен 112и Афганистандан келгендер. Ал эми башка өлкөлөрдөн келгендердлин саны 63 киши. Башпаанек издеген адамдардын саны 185 адам", — деп билдирди аталган министрликтин маалымат катчысы Айсулуу Исабек кызы.
Ал 2015-жылы биринчи кварталда Кыргызстандын мыйзамдарына ылайык, 72 чет элдик жарандан качкын статусун берүү жөнүндөгү 52 өтүнүчү каттоого алынгандыгын кошумчалады.
Кыргызстанга баш паанек издеп Афганистан, Сирия, Өзбекстан, Украина өлкөлөрүнөн келгендер бар.
