БИШКЕК, 12-июнь — Sputnik. Чүй облусундагы беш медресенин 78 окуучусу кесиптик билим алышты. Бул тууралуу "АВЕП" коомдук фонду билдирди.
"Медресе-айыл жергесинде кесиптик окутуу" долбоору медресе жаштарынын диний билимге ээ болуп чыккандан кийинки жашоо турмушун өз алдынча алып кетүүсүнө өбөлгө болуп, жумушсуздуктун санын азайтууга шарт түзмөкчү.
"Медресе жаштарынын диний экстремизмге, терроризмге азгырылып кетпөөсү үчүн ушундай курстар уюштурулууда", — дейт коомдук фонддун өкүлү Нарынбек Кыдыргычов.
Аталган курстун алкагында медресе окуучулары ширетүүчү, тигүүчү, ашпозчү кесиптеринин ээси болуп, сертификаттарын алышты.
