БИШКЕК, 12-июнь — Sputnik. Бишкек жана Кара-Балта шаарларында 15-июндан тарта беш күнгө чейин газ берүү убактылуу токтотула турганын "Газпром Кыргызстан" компаниясынын маалымат кызматы билдирди.
Маалыматка ылайык, Бишкек шаарынын "Жал" кичи районунда боло турчу оңдоо иштерине байланыштуу Дооронбек Садырбаев көчөсүнүн 249-үйүндө, "Жал-29" аймагындагы №14 үйдө жана буу казандары турган жерде газ берүү 15-июндан 17-июнга чейин убактылуу токтотулат.
Ал эми Кара-Балта шаарынан өткөн магистралдык "Бухара газ алып өтүү району – Ташкент – Бишкек — Алматы" газ куурунун 1002-1063-чакырымынын аймагында 15-июндан 5-июлга чейин газ берүү токтотулат.
Ошондой эле Новопавлока айылында жана "Ала-Тоо" жаңы конушунда 15-июндан 19-июнга чейин жаратылыш газын берүү убактылуу токтойт.
"Газпром Кыргызстан" компаниясы оңдоп-түзөө иштерине байланыштуу келтирилген ыңгайсыздык үчүн кечирим сурап, түшүнүү менен кабыл алууну өтүнөт.
