БИШКЕК, 2-июнь — Sputnik. 2030-жылга чейин Кыргызcтан элинин саны 7,5 миллионго жетээри болжолдонуп жатат. Бул тууралуу Эмгек, миграция жана жаштар министринин орун басары Алмазбек Асанбаев "Борбор Азиядагы миграция маселелери" аттуу эл аралык конференцияда билдирди.
Расмий маалыматтарга ылайык, бүгүнкү күндө өлкөдө 5,8 миллион киши жашайт.
"2030-жылы демографиялык өсүштүн эң бийик чеги катталат, бирок андан ары калктын саны азаюуга бет алат деген божомол бар",— деди Асанбаев.
Министрдин орун басары Кыргызстан калкынын болжолдонгон 7,5 миллионунун 2,5 миллиону эмгек миграциясынын жагдайларынын бири болгон турак жай сатып алуу, куруу маселесине туш болоорун кошумчалады.
