Депутат Бекешов Фучик паркындагы курулуштун иликтенишин талап кылууда

© Фото / пресс-служба ЖК КРЖогорку Кеңештин депутаты Дастан Бекешев. Архив
Жогорку Кеңештин депутаты Дастан Бекешев. Архив - Sputnik Кыргызстан
Жазылуу
Социалдык түйүндөрдө сейил бактын аймагындагы жердин сатылышы тууралуу маалымат чоң талкуу жаратып келет. КР мыйзамына ылайык, парк аймагындагы жерди сатууга жана курулуш иштерине тыюу салынган.

БИШКЕК, 28-май – Sputnik. "Ар-Намыс" фракциясынын депутаты Дастан Бекешев Башкы прокуратурадан Фучик паркындагы мыйзамсыз жүргүзүлүп жаткан курулуш иштерин изилдөөгө алуусун өтүндү. 

Эл өкүлү 23-май күнү парк аймагында курулуш жүргүзүүгө каршы митинг өткөнүн маалымдады.

"Парктар стратегиялык объектилердин катарына кирет, андыктан Башкы прокуратурадан жүргүзүлүп жаткан курулуштун мыйзамдуулугун текшерүүсүн өтүнөм", — деди Бекешов.

Социалдык түйүндөрдө сейил бактын аймагындагы жердин сатылышы тууралуу маалымат чоң талкуу жаратып келет. КР мыйзамына ылайык, парк аймагындагы жерди сатууга жана курулуш иштерине тыюу салынган. 

Бишкектеги Фучик паркында жер тилкеси сатыкка коюлган
Бишкек башкы архитектурасынын маалыматы боюнча, аталган парктын жери 2007-жылдан тарта мамлекеттин менчигинде экенин тастыктаган акт бар. 

Ал эми Бишкек район аралык сотунун ошол эле жылдын 16-апрелиндеги чечими менен Трудовая көчөсүнүн 1,2 гектар бөлүгү Абдулдабеков аттуу жарандын менчигине өткөн.

Учурда аталган маселе Ленин районунун прокуратурасы, индивидуалдуу турак-жай куруу департаменти жана Ленин райондук администрациясы тарабынан каралып жатат.

Жаңылыктар түрмөгү
0