БИШКЕК, 5-май — Sputnik. Апрель айынын аягында биометрикалык маалыматты 2 миллион 506 миң 240 киши тапшырганын Мамлекеттик каттоо кызматынын маалымат кызматы билдирди.
Улуттук кампания башталгандан бери биометрикалык маалыматтарын бергендер төмөндөгүдөй:
- Бишкек — 421 миң 156 киши;
- Ош — 152 миң 332 киши;
- Ош облусу — 473 миң 381 киши;
- Нарын облусу —116 миң 853 киши;
- Чүй облусу — 415 миң 85 киши;
- Ысык-Көл облусу — 194 миң 473 киши;
- Баткен облусу — 200 миң 703 киши;
- Талас облусу – 98 миң 485 киши;
- Жалал-Абад обулсу — 433 миң 772 киши.
Кайсыл жакта катталганыңызга карабастан биометрикалык маалымат чогултуу жайларынан маалыматтарды тапшырсаңыз болот. Каттоо бекер жүргүзүлөт. Жаныңзда болгону паспорт болушу керек.
Жарандардын биометрикалык маалыматтарын чогултуу кампаниясы 2014-жылдын август айында башталган. 16 жаштан жогорку бардык жарандар бармак издерин тапшырышы керек. Маалыматтарды чогултуу 2015-жылы 1-августта аяктайт. Жалпысынан 3 миллион 641 миң киши тапшырышы керек.
