БИШКЕК, 22-апр. — Sputnik. Жекшемби жана дүйшөмбү күндөрү өлкө аймагында аба ырайы кескин өзгөрүп, нөшөрлөгөн жаан жаап, тоолуу аймактарда күн —7 градуска чейин суук боло турганын Өзгөчө кырдаалдар министрлиги билдирди.
26-27-апрель күндөрү Чүй, Талас, Ош, Жалал-Абад, Баткен облустарында абанын температурасы кескин төмөндөп, жаан жаайт. Ысык-Көл, Нарын облустарынын тоолуу райондорунда күн —2…-7 градус суук болушу мүмкүн.
Андан сырткары, республиканын аймагында ылдамдыгы секундасына 17-22 метрге чейин жеткен шамал болот.
Мындай жаан-чачындуу аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатат.
